Digital literacy

I samband med eit vidareutdanningskurs i IKT for lærarar eg underviser litt i, har eg laga nokre instruksjonsvideoar i animasjon, der eg nyttar webbaserte GoAnimate. Eit morosamt program, med nokså tøffe mulegheiter. Her er snutten eg laga (heilt on the fly, må eg skunde meg å seie) medan eg gjekk igjennom nokre av funksjonane.

Pixar ringer nok ikkje i morgon, men det er morosamt,  kan hende særleg for dei lågare/midtre årstrinna i grunnskulen, men det har sikkert òg eit potensiale i vgs. Lydar og bakgrunnar (og fjes) kan lastast opp, eg brukte berre det programmet tilbyr. Hald deg fast, dette er til å pisse i buksa av i desse Halloween-tider:

programvare animasjon, skole, undervising

Og dermed, frå og med i dag, er det opna for at ein kan kopiere digitalt under avtaleverket til Kopinor, i kommunar og fylkeskommunar. Det har jo vore slik at det ikkje har vore opning for å kopiere materiale til undervisingsbruk digitalt, til dømes for å leggje ut supplerande stoff på it’s learning, av di Kopinors avtaleverk ikkje romma digital kopiering. No har ein altså gjort ein freistnad på å opne litt på dette, sjølvsagt med ei rekkje nye ifs and buts i tillegg til dei gamle, gode (som til dømes at ein ikkje kan kopiere lyd og levande bilete, eller programvare, eller at kopiane ikkje kan gjerast tilgjengeleg på opne nettsider, osv.).

Les om dette her.

PS: Morosame formuleringar på www.utdanningsnytt.no om denne avtalen:

Stoffet kan være hentet fra bøker, aviser, tidsskrifter eller direkte fra Internett.

Du har altså Internett der, og så har du nettavisene der.

DRM, programvare, skule kopinor

Skjermdump av ei Tinderbox-side. Klikk for større.

Eg ser i min Twitter-krins at fleire har nyleg konvertert til Mac, medan andre vurderer det. I samband med dette, som long-time Shia-macbrukar, vil eg skryte av eitt av programma som berre finst for Mac (har ikkje funne noe tilsvarande for Win/Linux), og som gjer organiseringa av tankar, idear, tekstar, konsept, etc. mykje enklare: Tinderbox. 

Tinderbox er eit program for å samle notat, tekstutklypp, lenker, etc., og for å organisere desse på ulike måtar; hierarkisk, romleg, tematisk, etc. Notat, eller heile konseptkart/resonnement kan leggjast inni kvarandre, og ein kan lenkje på ulike måtar mellom elementa, søkje på dei på ulikt vis, og sjå dei på mange ulike måtar. Dei ulike elementa (boksar, notat, etc.) kan gjevast ulike eigenskapar og reagere på kvarandre (til dømes at alle boksar tagga med “blogg” blir samla i ein konteinar med boksane med eldst datostempling lengst vekk frå sentrum, etc. Fantasien er den reelle begrensinga her).

Det er eit vanskeleg program å forklåre, men verdas enklaste å bruke — Mark Bernstein som utviklar programmet peiker på at det er designa for å vokse med brukaren. Du byrjar med enkle notat, og byggjer ut funksjonaliteten etter kvart. På biletet over (klikk for å forstørre) ser du ein skjermdump med eit lite utsnitt av ei av sidene mine, der det går lenkjer mellom ulike konsept, og du kan skimte konteinarar som inneheld nye verder av relasjonar og konsept, med sine lenkjer inn og ut til andre ressursar. 

Avansert og enkelt på ein gong, og skalerbart. Eg har det oppe heile tida, og samlar idear, tankar, lenkjer, artiklar, som eg anten direkte eller etterkvart set i relasjon til anna andre stader i Tinderbox. Er du ein info-sucker kan eg sterkt tilrå dette.

data mining, mac, programvare application, mac, tinderbox